Yangiliklar tasmasi

Yevropa ligasi. Pleyoff bosqichiga qachon qur'a tashlanadi?

10.12.2018, 19:30
Muharrir: Arsenalist / Ko'rildi: 10212 marta

Xabaringiz bor, "Arsenal" jamoasi joriy mavsumda ketma-ket ikkinchi bor Yevropa ligasida ishtirok etmoqda.

Payshanba kuni turnirning guruh bosqich o'yinlariga yakun yasaladi va barcha pleyoff ishtirokchilari nomi ma'lum bo'ladi. Hozirda 1/16 finalga yo'l oladigan 32 jamoadan 16 tasining nomi aniq bo'lgan, jumladan "Arsenal" o'z guruhini 1-o'rin bilan yakunlashi oydinlashib ulgurgan.

Yevropa ligasi 1/16 final bosqichiga qur'a tashlash marosimi, Shveytsariyaning Nyon shahrida bo'lib o'tadi va 17-dekabr, dushanba kuni, T.v.b soat 17:00 da boshlanadi. Unga ko'ra, 32 jamoa 2 ta savatchaga ajratiladi, ya'ni 12 ta guruh g'oliblari va Chempionlar ligasi guruh bosqichida 4 ta eng yaxshi 3-o'rin sohiblari 1-savatchaga, hamda guruhida 2-o'rinni egallagan va Chempionlar ligasining guruh bosqichida qolgan 3-pog'ona egalarining 4 tasi 2-savatchadan joy oladi.

Pleyoff bosqichining dastlabki raund bahslari 14-21 fevral kunlariga belgilangan bo'lib, 1-savatcha vakillari javob o'yinini o'z maydonida o'tkazish huquqiga ega.

Turnirning final uchrashuvi esa 29-may kuni Ozarbayjonning Baku shahrida o'tkaziladi.

Manba: Sky Sports

Izoh qoldirish

O'z fikringizni yozib qoldirish uchun profilingizga kiring yoki ro'yxatdan o'ting!

Fikrlar