Yangiliklar tasmasi

Ivobi yoshligida uchta klub taklifini rad etgan

15.12.2018, 16:00
Muharrir: Arsenalist / Ko'rildi: 9372 marta

Aleks Ivobi bundan yetti yil oldin "Arsenal"dan ketishga yaqin kelgan.

Bu haqida "Kristal Pelas" klubi akademiyasi direktori Gari Issott ma'lum qildi:

"2011-yilda biz Ivobini safimizga qo'shib olishga yaqin turgandik. Hatto bizning mashg'ulot maydonchamizga ham tashrif buyurgan. O'shanda u "Arsenal" U16 safida o'ynardi, lekin yosh bo'lishiga qaramay juda iliq taassurot qoldirgan edi.

Barchasi deyarli hal bo'lgandi, ammo Aleksning o'zi "Emirates"dan ketishni istamadi. Bizdan tashqari "Seltik" va "Sautgempton" klublari ham Ivobi uchun jiddiy kurashganini yaxshi eslayman. U kelajakda yuqori saviyali o'yinchi bo'lib yetishishini bilardim" - deydi "burgutlar" maktabi rahbari.

Ta'kidlash lozim, Ivobi 2015-yildan beri "Arsenal"ning asosiy jamoasida o'ynab kelmoqda. Shu kungacha u klub uchun 117 o'yinda maydonga tushgan va 10 ta gol muallifi bo'lgan.

Manba: allnigeriasoccer.com

Izoh qoldirish

O'z fikringizni yozib qoldirish uchun profilingizga kiring yoki ro'yxatdan o'ting!

Fikrlar