Denis Suarez yozda "Arsenal" bilan xayrlashishi haqida xabarlar tarqalgandi.
Sababi u so'ngi vaqtlarda deyarli maydonga tushmayapti. London klubiga kelgandan beri faqatgina 6 o'yinda zahiradan tushirildi va jami 95 daqiqa harakat qildi.
Bu haqida gapirgan Suarezning agenti, mijozining ayni damda jarohati borligini va uning kelajagiga hali oydinlik kiritilmaganini ta'kidladi.
"U o'z o'rnini topolmayapti, chunki unga deyarli imkoniyat berilayotgani yo'q. Unga ritmga tushib olish uchun amaliyot kerak.
U hozir jarohatda, mushaklarida muammo bor. Tashxis natijalarini kutyapmiz" - dedi agent.
So'ngi xabarlarga ko'ra, Denisga "Napoli" klubi qiziqish bildirmoqda. Bu haqida agent shunday dedi:
"Napoli"? Qiziqishlar doim bo'lib turadi, lekin bir pozitsiyani kuchaytirish uchun yillar davomida harakat qilinadi.
Transfer oynasi yaqinlashmoqda, lekin hozir bu mavzuda gapirish vaqti emas".
Eslatib o'tamiz, Suarez yanvarda "Barselona"dan 2 mln yevroga ijaraga olingan. "Kanonirlar"da uni mavsum oxirida 20 mln yevro evaziga to'liq sotib olish huquqi bor.
Manba: tribalfootball.com
Izoh qoldirish
Eslatma:
Mulohaza bildirishda ehtiyotkor va bosiq bo‘lishingizni,
o‘zgalar fikrini hurmat qilishingizni hamda muomala madaniyatiga
rioya etishingizni so‘raymiz. Iltimos, qo‘pol va noloyiq so‘zlarni ishlatishdan tiyiling.
Ushbu shartlarga mos kelmagan mulohazalar o‘chiriladi.
