Yangiliklar tasmasi

Retro: "Mening "Arsenalim" yohud dildagi gaplar" (maqola 17.04.2018da yozilgan)

16.01.2019, 23:20
Muharrir: Ozodbek / Ko'rildi: 14773 marta

"Arsenal", sen futbolni shu qadar nozik did ila o'ynaysanki, go'zallikka oshufta qalblar bor-ki sening o'yining, sening ijroingdagi san'at asarini befarq tomosha qila olmaydi. Sening o'yiningda go'zallik ham, aniq xisob-kitoblarga tayangan taktika ham bor. Kimlar bir xil uslubda kimlar ikki xil uslubda o'ynaydi, sen esa anashu ikkalasini uyg'unlashtirib o'zgacha, faqat o'zinggagina xos bo'lgan o'yin uslubini yaratgansan-ki bunaqa futbolni sendan boshqasi o'ynay olmaydi.
Sening o'yiningdan andoza olib "Barselona" o'sha mashxur tika-takani ishlab chiqdi va dunyo futbolini nimalar qilib tashlaganini ko'rding. "Real"ning qarshi xujumga o'ta tezkor va shiddat bilan o'tishini ko'rib har gal seni eslayveraman, axir senda bor edi-da bunaqa tezlik. Men faqat ikki mashxur klubnigina misol keltirdim, bu ro'yxatni uzoq davom ettirsam kimlarningdir tomi ketib qoladi "Yo'g'e-e? Shu "Arsenalmi"? deb".
[Rasm o'chirilgan.]
Bilasanmi sen doim zamonaviy futbol tamadduniga tamal toshini qo'yib kelgansan, birgina misol o'sha 4-4-2 sxemasida birinchi bo'lib o'ynagan xam sen eding, Evropasi tugul dunyo futboli sendan o'rgangan bunaqa taktik sxemalarni. Ammo bugungi ahvoling meni-da, o'zingni-da ajablantirib qo'ydi. O'zingga o'zing hayronlar boqib turibsan "Naxotki yaqin o'tmishda butun mavsumni mag'lubiyatsiz otkazib chempion bo'lgan menmidim" deb.
[Rasm o'chirilgan.]
Kimlardir "Bu yil APLda kim chempion bo'lishini bilmadim-u lekin 4-o'rinni aniq "Arsenal" oladi" deb piching qilsa g'ashimiz kelardi, bugun esa o'ylab qolaman "Nahot o'sha kunlar baxtli kunlarimiz bo'lgan bo'lsa" deb. 4-o'ringa qarab kuylagilarim kelib ketadi:

"Qaniydi sen bilan o'tgan. O'shal damlar, o'shal damlar.

Faqat qolganga o'xshaydi. Bu damlarda alam g'amlar".
"Arsenal" bilasanmi men baribir sendan kecholmayman, nechanchi o'rinni olsang ham. Buni o'zing ham bilasan. Shuning uchun ham sendan so'nggi talab shuki Yevropa ligasida zafar quchgin. APLni o'ylama, transferlarni ham, yozda kimlar o'ynashini-yu, qancha foyda-zarar ko'rganingni ham, xatto bosh murabbiy masalasini ham bir chetga qo'yda, Yevvropa ligasini o'yla.
[Rasm o'chirilgan.]
Zero nima bo'lganda ham keyingi mavsum chempionlar ligasida o'ynashing shart. Ha chempionlar bilar bir safda turishing shart "Arsenal"!!!

Izoh qoldirish

O'z fikringizni yozib qoldirish uchun profilingizga kiring yoki ro'yxatdan o'ting!

Fikrlar